‘Nu fazzuletto ‘e terra, ‘n’angulo ‘e paraviso pe’ sunnà…
piazza San Ciro, Bellavista, ‘e pine, l’addore d”e mimose,
‘a Reggia, ‘o bosco, ‘a primma ferrovia…
Puortece: chella ‘e tantu tiempo fa.
Se campava quiete a ‘stu paese quanno screviste ‘e chella Purticesa
ch’abbascio a ‘o Granatiello steva ‘e casa
e ‘a chiammavano Rosa ‘a vrucculosa…
e parlava d’Abbrile e d”e ccerase.

Mò si vedisse ’o stesso fazzuletto comm’è arredutto,
senza verde attuorno…e simmo cientemila…
‘n’esercito ‘e furmicule accucchiate
e ‘nu vicino nun conosce a ‘n’ato!

‘Nu fazzuletto ‘e terra senza sciure, ‘o mare spuorco,
ll’aria avvezziata, nun se risciata cchiù comme a ‘na vota!
‘Nu fazzuletto ‘e terra addò ce regna ‘a malavita, e ‘a droga
sta avvelenanno ‘a meglia giuventù!

Stò penzanno a “ ‘E CECATE ‘E CARAVAGGIO”,
‘n’atu gioiello ca screviste Tu…
ma ‘a ggente ‘e mò nun tene cchiù coraggio:
nun è cecata…ma nun vede cchiù!

Ettore Cicalese

Nu pianefforte ‘e notte
sona luntanamente,
e ‘a museca se sente
pe ll’aria suspirà.
È ll’una: dorme ‘o vico
ncopp’a nonna nonna
‘e nu mutivo antico
‘e tanto tiempo fa.
Dio, quanta stelle ‘n cielo!
Che luna! E c’aria doce!
Quanto na bella voce
vurria sentì cantà!
Ma sulitario e lento
more ‘o mutivo antico;
se fa cchiù cupo ‘o vico
dint’a ll’oscurità…
Ll’anema mia surtanto
rummane a sta fenesta.
Aspetta ancora. E resta,
ncantannese, a pensà.

Salvatore Di Giacomo

Eri lì. Bella, giovane, vergine. Lì a bagnarti nel mare e a godere di ogni onda infranta sulle rive, mentre dentro di te fuochi eterni e indomabili bruciavano.

Eri lì. Non potevi non esser notata, e così accadde. Arrivò, forte, bello, fiero, e ti conquistò. Ti fece sua. Tutto sembrava normale. Ma poi. Poi decise che era meglio sfruttarti, sottometerti, soggiogarti.

E iniziò ad usarti. E dopo di lui altri. Ed altri ancora. Di tanto in tanto c’era sempre chi ti prometteva la luna e le stelle, ma ognuno, infine, prendeva soltanto, senza mai dare nulla in cambio. Sempre a fare i propri comodi e a lasciartisi alle spalle una volta finito.

Intanto il tempo passava, e tu non eri più giovane e immacolata come una volta. Anche il tuo ardere, seppur sempre vivo come un tempo, era cambiato, maturato.

Loro ti sfruttavano, prendendoti, ferendoti, sporcandoti. Ma tu, a tuo modo, resistevi, cantando, scrivendo, creando.

Tutti uguali, uno dopo l’altro, bravi soltanto ad umiliarti. Anche ora che sei vecchia, acciaccata, malandata, loro sono ancora lì. Abusano. Ti usano.

Ancora ti trattano come una puttana, cara mia bella città natia.